ناوه‌ڕۆك
گەنم لە هەرێمی کوردستان
گرنگترین ئەو دانەوێڵانەی لە کوردستان بەرهەم دەهێنرێت گەنمە، گەنم بەرهەمێکی زستانەیە پشت بە ئاوی باران دەبەستێت، بەڵام هەموو ناوچەکانی هەرێمی کوردستان باران وەک یەک نییە، باران لە باکوورەوە زیاترە تاکو باشور، لە باشوردا باران کەمترە و بەشی ڕووەک ناکات بۆ پێگەیشتن بۆیە پێویستی بە ئاودان دەکات.
ئەو گەنمەی لە کوردستان دەچێنرێ هەمە جۆرە، لەوانە (زەردکە، سپیکە، ڕەزاو، قەندەهاری، بەهارە)، بەڵام گەنمی (مەکسیباک) لە ساڵی ١٩٦٤ز هێندرایە عێراق و لە ساڵی ١٩٦٧ ز دەست بە چاندن کرا، لە کوردستاندا بە شێوەیەکی بەربرڵاو دەچێنرێ بە تایبەتی لەو شوێنانەی کە ڕادەی دابارینی ساڵانەی لە نێوان (٤٠٠ - ٥٠٠) ملم دایە. چاندنی گەنم زۆرترین ڕووبەری کشتوکاڵی داگیر کردووە بەڵام بەپێی بارودۆخی ئەم ڕووبەرە لە ساڵێکەوە بۆ ساڵێکی تر دەگۆڕێ هەروەها بڕی بەرهەمیش لە ساڵیکەوە بۆ ساڵێکی تر جیاوازی هەیە.
