ناوه‌ڕۆك
سوود و کاریگەری کەڵەشاخ بۆ ئازار و سڕبوون لە دەستەکاندا چییە؟
کەڵەشاخ لە دێر زەمانەوە وەک چارەسەرێکی پزیشکیی کۆن بەکارهاتووە، بۆ خۆپاراستن لە نەخۆشی و لادانی ئازارو ژان لەجەستەی مرۆڤدا، زانستی پزیشکیی سەردەم ئەوەی سەلماندووە کەوا کەڵەشاخ ڕووی دەرەوەی لاشە پاک دەکاتەوە لە خوێنێکی بێ کەڵک و بێسوود، کە لەژێر پێستەوە دەوەستێت و قەتیس دەمێنێتەوە، دەبێتە هۆی ئازار و ژانێکی زۆر لەجەستەدا، پلەی گەرمی لەش بەرز دەکاتەوە، سڕبوون و تەزین لەنێوانی شان و مل و قاچ و دەستەکان هەستی زۆری پێ دەکرێت.
کەسانێک بەهۆی ئازار و ژانی دەستەکانیان دەناڵێنن و دەڵێن دەستەکانم گەرم دەبن و ئارەقەی زۆر دەکەنەوە، ئازار و ژانێکی زۆریان هەیە، زۆر جار سڕدەبن یان ئیلتیهاباتە کە ئەمەش هۆکارێکیتری سەرەکیە بۆ سڕبوون و گەرمی و ساردی یان ئازار و ژانی زۆر لەدەستەکاندا کۆدەبێتەوە. کەڵەشاخ تاکە چارەسەری سروشتییە، بۆ لادانی هەوکردن و سڕبوون و گەرمی و ساردی و نەمانی ئازار و ژان لە دەستەکاندا.
شوێنەکانی ئەنجامدانی کەڵەشاخ لەدەستەکاندا بەپێی نەخشەی زانستی کەڵەشاخ
- خاڵی C7
- خاڵی T1
- خاڵی L2
- خاڵی S2
تێبینی: پێش ئەنجامدانی کەڵەشاخ دەبێت بۆ ماوەی سێ بۆ پێنج خولەک دەستەکان بە زەیتی زەیتون بشێلرێت و مەساجی بۆ بکرێت، بە سێ جار کۆتایی دێت، بۆ هەر جارێک 45 ڕۆژی پێویستە بۆ دووبارە ئەنجامدانەوەی کەڵەشاخ لە دەستەکاندا.
