دوومەڵی ددان چییە؟

ناساندن

دوومەڵی ددان (بە عەرەبی: خُراج الأسنان، بە ئینگلیزی: Tooth abscess) توورەگەیەکە لە پیسی کە بەهۆی هەوکردن بە بەکتریاوە لە ددانی مرۆڤ دروست دەبێت.

جۆرەکانی

Periapical: لە نزیک نووکی (سەری) ڕەگی ددانەکە دروست دەبێت.
Peridontal root: لە ناچەی پووکی تەنیشت ڕەگی ددانەکە ڕوودەدات ودروست دەبێت.

هۆکارەکان

ئەم دوومەڵانە درووست دەبن بەهۆی چارەسەر نەکردنی کلۆری  ددانەوە کە ئەم هەوکردنە دەبێتە هۆی کۆبوونەوەی پیسی، گرنگترین هۆکارەکان بریتین لە:

• پاک نەکردنەوەی ددان بە باشی.
• زۆر خواردنی چەوری و شیرینی و خواردنی ناتەندروست.
• وشکی دەم و ددان و کێشە لە لیک.
• زۆر خواردنەوەی چاو و قاوە و کافایین.
• زۆر خواردنەوەی ماددەی کحولییەکان.

نـیشانەکان 

• ئازارێکی بەهێزی ددان کە بگوازرێتەوە بۆ گوێ.
• ئازار لەکاتی خواردنی گەرم و سارد.
• ئازار و ناڕەحەتی لەکاتی جووینی خواردن.
• تــا و بەرزبوونەوەی پلەی گەرمی لەش.
• ئـاوسانی دەموچاو. 
• ئاوسانی لیمفە گرێییەکانی ژێر چەناگە یان مل.

چارەسەر

پێویستە دکتۆری ددان نەخۆشەکە ببینی، کاتێک یەکێک لە نیشانەکانی دوومەڵی ددانت هەبوو،
ئەگەر د.ومەڵی ددان چارەسەر نەکرێن:

• ئەگەری هەیە بتەقێت و لەوانەیە ئازارەکە زۆر کەم بکات هێشتا پێویستی بە چارەسەرە.
• ئەگەر دوومەڵەکە نەکرێتەوە (drain)، لەوانەیە هەوکردنەکە بگوازرێتەوە بۆ چەناگە یان جیوبەکانی لووت، لەوانەشە ببێتە هۆی هەوکردنی خوێن.

چـارەسە

سەردانی دکتۆری ددان بکات و بەم شێوازە چارەسەر وەرئەگرێ:

• کردنەوەی دوومەڵەکە.
• ئەنجامدانی دەماربڕین.
• هەندێ حاڵەت پێویستە ددانەکە دەربهێنرێت.

سەرچاوەکان

1. ئینسایکلۆپیدیای زانیاری