ناوه‌ڕۆك
ئاگاداری پەڵە سپیە‌كانی ددانتان بن
كۆمە‌ڵە‌ی پرۆدێنتی ئە‌ڵمانی كە لە پزیشكانی ددان پێكھاتوە دە‌ڵێن پە‌ڵە‌ی سپی سە‌ر ددانە‌كان نیشانە‌ن بۆ كلۆربوونی ددان.
دێرك كرۆپ بە‌ڕێوبە‌ری كۆمە‌ڵە‌ی پارێزگاریكردن لە ددان دە‌ڵێت ترشییە‌كانی ئە‌م پەڵە سپیانە دە‌بنە ھۆی لابردنی توێكڵی یە‌كە‌می ددانە‌كان ناسراو بە (مینا).
ئە‌و پزیشكانە داوا لە ھاوڵاتیان دە‌كە‌ن ئە‌م جۆرە پە‌ڵانە پشتگوێ نە‌خە‌ن و پە‌لە بكە‌ن لە سە‌ردانكردنیان بۆ لای پزیشكی پسپۆری ددان تاكو زوو حاڵە‌تە‌كە‌یان دە‌ستنیشان بكە‌ن و چارەسەری پێویست بگرنە‌بە‌ر.
بە‌گشتی ئە‌م پەڵە سپیانە تە‌نیا لە ڕووكە‌شی ددانە‌كە‌ن بۆیە پێویست بە پڕكردنە‌وە‌ی ددان ناكات، تە‌نیا بە پە‌یڕوكردنی ڕێگاكانی پاككردنە‌وە‌ی ددانە‌كان، كە بریتیە لە ددان شوشتن بە فڵچە ڕۆژی دوو جار، بە‌كارھێنانی دە‌زووی خاوێن كردنە‌وە‌ی نێوانە‌كانی ددان، غە‌رغە‌رە‌ی تایبەت، بە‌كارھێنانی فلۆراید دە‌بنە ھۆی چارە‌سە‌ركردنی ئە‌م پەڵە سپپیانە و لە كلۆربوون دە‌بن، بە‌پێچە‌وانە‌وە پشتگوێخستنیان دە‌بێتە ھۆی كلۆربوونی ددان.
