ناوه‌ڕۆك
ئە‌م خۆراكانە نابێت ھە‌رگیز گەرم كە‌یتە‌وە
ھە‌ندێك لە‌و خۆراكانە‌ی سوودیان لێ وە‌ردە‌گرین، بە‌رگری لە توشبوونی مرۆڤ لە شێرپە‌نجە دە‌كە‌ن، ھە‌ندێكی تریش كاریگە‌ری خراپ لە‌سە‌ر لە‌ش بە‌جێ دە‌ھێڵن و دە‌بنە ھۆی سە‌رھە‌ڵدانی شێرپە‌نجە لە خانە‌كانی لە‌شی مرۆڤ.
لە توێژینە‌وە‌یە‌كی پزیشكیدا دە‌ركە‌وتووە، ھە‌ندێ خۆراك ھە‌ن، دوای ئە‌وە‌ی ژە‌مێك كە‌ڵكیان لێ وە‌ردە‌گرین ئیتر سوودی خۆیان لەدە‌ست دە‌دە‌ن و ئە‌گە‌ر بۆ ژە‌می دووە‌م گەرم بكرێنە‌وە، مە‌ترسی زۆری بۆسە‌ر تە‌ندروستی مرۆڤ ھە‌یە و ئە‌گە‌ری توشبوون بە نە‌خۆشی شێرپە‌نجە لە لە‌شی مرۆڤدا زیاد دە‌كات.
خۆراكەكان
پزیشكان ئاماژە بە حە‌وت خۆراك دە‌كە‌ن، دوای گە‌رمكردنە‌وە‌ی دووبارە‌یان ژە‌ھراوی دە‌بن و خانە‌كانی جە‌ستە توشی مە‌ترسی شێرپە‌نجە دە‌كات ئە‌م خۆراكانە بریتین لە:
یە‌كە‌م: كە‌رە‌وز بە‌ھۆی ئە‌وە‌ی ھە‌ڵگری ماددە‌ی نیتراتە دوای گە‌رمكردنە‌وە‌ی كاریگە‌ری نە‌رێنی بۆسە‌ر جە‌ستە‌ی مرۆڤ ھە‌یە.
دووە‌م: چە‌وە‌ندە‌ر بە‌ھۆی ئە‌وە‌ی ھە‌ڵگری ماددە‌ی نیتراتە لە‌كاتی گە‌رمكردنە‌وە‌ی دووبارە ژە‌ھراوی دە‌بێت.
سێیە‌م: ھێلكە‌ی كوڵاو بە گە‌رمكردنە‌وە‌ی دووبارە پرۆتیناتە‌كە‌ی ئاڵگۆری بە‌سە‌ردا دێت و دە‌بێتە ژە‌ھر.
چوارە‌م: قارچك بە‌ھە‌مان شێوە دوای گە‌رمكردنە‌وە مە‌ترسی توشبوون بە شێرپە‌نجە زیاد دە‌كات.
پێنجە‌م: گۆشتی سوور و گۆشتی مریشك، بە‌ھۆی پێكھاتە‌ی پرۆتینات ئاڵوگۆڕی بە‌سە‌ردادێت.
شە‌شە‌م: ماددە‌ی نیتراتی پە‌تاتە كاتێ دووبارە گەرم دە‌كرێتە‌وە ئاڵوگۆڕی بە‌سە‌ردا دێت و دە‌بێتە نیترێت.
حە‌وتە‌م: سپێناخ بە‌ھە‌مان شێوە پێكھاتە‌كە‌ی دە‌شێوێت و دە‌بێتە نیترێت و ئە‌گە‌ری توشبوون بە سە‌رھە‌ڵدانی شێرپە‌نجە زیاد دە‌كات.
