ناوه‌ڕۆك
سەرەتا
ئەو کەسانەی پێشینەی خێزانی شەکرەیان هەیە، قەڵەون، یاخود پارێز ناکەن لە هیچ خواردنێک و ژیانێکی بێ جووڵە و وەستاویان هەیە مەترسی توشبوونیان بە نەخۆشی شەکرە هەیە. لێرەوە فێردەبیت کە چۆن خۆت لە توشبوون بە نەخۆشی شەکرە بپارێزیت؟
ڕێنماییەکان بۆ دووربوون لە نەخۆشی شەکرە
- یەکەم
وەرزش کردنی بەردەوام، بەلایەنی کەمەوە هەفتەی سێجار هەر جارەی کاتژمێرێک وەرزش کردن بکرێت، وەرزش کردنێکی مامناوەند بۆ سەخت، بە بەرنامەیەکی بەردەوام، ئەگەر شەکرەیەکی سەرەتایی هەبێت بەم شێوازە کۆنترۆڵ دەبێت.
- دووەم
خۆراکی تەندروست، دوورکەوتنەوە لە خواردنی شیرینی زۆر و خواردنی خێرا و خواردنەوە گازییەکان و خواردنی لە قوتونراو، گرنگیدان بە سەوزە و میوە و چەرەسات، وازهێنان لە جگەرەکێشان و خواردنەوەی کحولییەکان.
- سێیەم
دوورکەوتنەوە لە دوودڵی و دڵەڕاوکێ و خەفەت خواردنی زۆر چونکە دوور نییە ئەمانە شەکرە بەرز بکەنەوە.
- چوارەم
پشکنینی چەورییەکانی خوێن و شەکرەی خوێن و پەستانی خوێن شەش مانگ یان ساڵی جارێک، پارێز کردن و وەرگرتنی چارەسەر لەکاتی پێویستدا چونکە چەوری سەر جگەر دەبێتە هۆی شەکرە.
- پێنجەم
دوورکەتنەوە لە بەکارهێنانی دەرمان و دەرزی بەبێ ڕاوێژی پزیشک چونکە هەندێک چارەسەر و دەرزی شەکرە بەرز دەکەنەوە.
