پشکنینی خڕۆکە سوورەکانی خوێن

ناساندن

پشکنینی خڕۆکە سوورەکان (بە عەرەبی: فحص كريات دم الحمر، بە ئینگلیزی: Test Count RBC) خڕۆکە سوورەکان شێوەیەکی خڕی دوولا و قووپاویان هەیە و بێ ناوکن، ڕەنگێکی سووریان هەیە بە هۆی ئەو هیمۆگڵۆبینەی کە هەڵیانگرتوە. خڕۆکە سوورەکان ئاسایی بە چاو نابینرێن بەڵام دەتوانین لە ڕێگەی مایکرۆسکۆپەوە بیانبینین.

تایبەتمەندییەکانی خڕۆکەیەکی سووری پێگەشتوو 

• شێوەیەکی خڕی دوولا و قووپاوی هەیە.
• ناوکی نییە.
• نیوەتیرەکەی ٧.٥ مایکرۆمەترە.
• ئەستوورییەکەی لە لێوارەکانیدا ٥.٢ مایکرۆمەترە و لە ناوەڕاستیشدا ٠.١ مایکرۆمەترە.
• بۆ ماوەی ١٢٠ ڕۆژ دەژی.
• قەبارەکەی 90FI بۆ 95FIـە.

فـرمـانـی خـڕۆکـە سوورەکان

• ئۆکسجین هەڵدەگرن و دەیگوازنەوە لە سییەکانەوە بۆ خانە و شانەکانی لەش.
• دوانە ئۆکسیدی کاربۆن دەگوازنەوە لە خانە و شانەکانی لەشەوە بۆ سییەکان.
• پێکدێن لە هیمۆگڵۆبین.
• جۆرە antigenـێکی تایبەتیان لەسەرە کە بۆ دیاریکردنی جۆری گرووپی خوێن (RH Factor) بەکاردێت
• هاوسەنگی ترشی و تفتی خوێن دەپارێزێت.
• هاوسەنگی ئایۆنەکان دەپارێزن لە ناو خوێندا.
• هاوسەنگی لینجی خوێن دەپارێزن.

ڕێژەی ئاسایی خڕۆکە سوورەکان و هۆکاری کەمی و زیادیان چییە؟

یەکەم Erythrocytosis: بریتییە لە زیادبوونی خڕۆکە سوورەکان لە ڕێژەی ئاسایی خۆیان و ئەم هۆکارانەش دەبنە هۆی زیادووبونی ڕێژەی خڕۆکە سوورەکان:

• جگەرە کێشان.
• نەخۆشی بۆماوەیی دڵ.
• ناتەواوی گورچیلەکان.

دووەم Erythrocytopenia: بریتییە لە کەمبوونی خڕۆکە سوورەکان لە ڕێژەی ئاسایی خۆیان. ئەم هۆکارانەش دەبنە هۆی کەمی ڕێژەی خڕۆکە سوورەکان لە خوێندا.

• خوێن بەربوون.
• ناتەواوی مۆخی سووڕی ئێسک.
• Folate deficiency

ژمارەی ئاساییی خڕۆکە سوورەکانی خوێن

لەڕێی وەرگرتنی خوێنەوە پشکنین بۆ خڕۆکە سوورەکان دەکرێت،

• لە پیاوان - ٤٫٧ بۆ ٦٫١ ملیۆن خانە لە یەک مایکرۆلیتر (cells/mcL)
• لە ئافرەتان - ٤٫٢ بۆ ٥٫٤ ملیۆن خانە لە یەک مایکرۆلیتر (cells/mcL)

سەرچاوەکان

1. پشکنینە پزیشکییەکان ئامادەکردن و کۆکردنەوە: حکیم کریم