ناوه‌ڕۆك
بە پێی تە‌مە‌نت بزانە پێویستە ڕۆژانە چە‌ند كاتژمێر بخە‌ویت
توێژە‌رە‌كانی بواری تە‌ندروستی لە ڕاپۆرتێكی نوێدا ئێوە‌یان ئاشكرا كرد كە جە‌ستە‌ی مرۆڤ بە گوێرە‌ی تە‌مە‌نی پێویستی بە‌وە ھە‌یە لە شە‌و و ڕۆژێكدا چە‌ند كاتژمێر بخە‌وێت، لە‌م توێژینە‌وە‌یە‌دا كۆمە‌ڵێك كە‌س لە چە‌ند تە‌مە‌نێكی جیاوازدا بە‌شداریان كرد و ئە‌مە‌ش ئە‌نجامی توێژینە‌وە‌كە بوو:
١- ئە‌و منداڵانە‌ی كە تازە لە‌دایكبوون پێویستە لە شە‌و و ڕۆژێكدا ١٤ بۆ ١٧ كاتژمێر بخە‌ون.
٢- كاتێك منداڵ دە‌بێتە ١١ مانگ ئە‌وە جە‌ستە‌ی پێویستی بە ١٢ بۆ ١٥ كاتژمێر خەوتن ھە‌یە
٣- كاتێك منداڵ دە‌گاتە تە‌مە‌نی دوو ساڵی ئە‌وە پێویستە لە شە‌و و ڕۆژێكدا ١١ بۆ ١٤ كاتژمێر بخە‌وێت.
٤- لە تە‌مە‌نی ٣ بۆ ٥ ساڵی پێویستە منداڵ ١٠ بۆ ١٣ كاتژمێر لە شە‌و ڕۆژێكدا بخە‌وێت.
٥- كاتێك منداڵ دە‌چێتە خوێندنگە واتە لە تە‌مە‌نی ٦ بۆ ١٣ ساڵی پێویستە لە ماوە‌ی شە‌و و ڕۆژێكدا ٩ بۆ ١١ كاتژمێر بخە‌وێت.
٦- لە تە‌مە‌نی ١٤ بۆ ١٧ ساڵی پێویستی بە ٨ بۆ ١٠ كاتژمێر خەوتن ھە‌یە.
٧- ئە‌و كە‌سانە‌ی كە گە‌نج و پێگە‌یشتون پێویستە لە شە‌و و ڕۆژێكدا ٧ بۆ ٩ كاتژمێر بخە‌ون.
٨- كاتێك مرۆڤ دە‌چێتە تە‌مە‌نە‌وە واتە لە تە‌مە‌نی ٦٥ ساڵی و بە‌رە‌و دوا پێویستە ٧ بۆ ٨ كاتژمێر لە شە‌و و ڕۆژێكدا بخە‌ون.
