ناوه‌ڕۆك
خۆت لە ماڵەوە ئازارشکێن دروست بکە
خەڵک بە گشتی لەوە ڕاهاتوون کە دەرمانی کیمیایی بەکار بهێنن بۆ سڕکردن و شکاندنی ئازار، لە کاتێکدا ئەو دەرمانە کیمیاییانە لێکەوتەی خراپی بۆ لەش هەیە، بۆیە پسپۆرانی خۆراک پێشنیاری ئەوە دەکەن کە بە هەندێک گژوگیای سروشتی، دەرمانی ئازارشکێن دروست بکرێت، بۆ ئەمەش دەکرێ سوود لەم بیرۆکانەی خوارەوە وەربگرن:
زەردەچەوە
کەوچکێکی بچووک زەردەچەوە و کەوچکێکی هەنگوین تێکەڵ بە کووپێک شیری گەرم دەکرێت و دەخورێتەوە.
بەکارهێنانی زەردەچەوە لە ناو خۆراکدا بە شێوەی بەهاراتیش سوودی دەبێت.
بیبەری توون
دوو کەوچکی چێشت لە بیبەری تیژ دەخرێتە سەر شوێنی ئازارەکە و ماوەی ٢٠ خولەک دەهێلرێتەوە، بەڵام نابێت بخرێتە سەر برین و شوێنی کراوە، یان تێکەڵ بە خواردن دەکرێت.
زەنجەبیل
کەوچکێکی بچووک زەنجەبیل تێکەڵ بە کووپێک ئاوی کوڵاو دەکرێت و دەخورێتەوە.
دارچین و هەنگوین
کەوچکێکی بچووک لە هاڕاوەی دارچین و هەنگوین تێکەڵ دەکرێت و ماوەی ٣٠ خولەک لەسەر شوێنی ئازارەکە دەهێڵرێتەوە و دواتر دەشۆرێت.
